Grop catalan de musica tradicionala occitana

Un bèl jorn, a Sabadell, en Catalonha, arribèt un gojat qu’aviá viscut pendent d’annadas en Occitània e que s’èra noirit de sa lenga e sas tradicions. Pendent son passatge per Sabadell, trobèt de musicians amb qual partejar totas aquelas musicas que portava al dedins.

Es aital que nasquèt Mirabèl, e que contunha actualament: un grop del Vallès (Catalonha) que vòl mostrar al public çò qu’aprenguèrem del Rafèu: una partida de la diversitat musicala d’Occitània a travèrs las cançons e las danças, de las sonadas mai tradicionalas fins a las cançons d’autors que i an daissat lor marca.

Mirabèl es una seria de diferents projèctes, que s’adaptan tant a l’empont coma a la carrièra, que van de la dança a la musica d’escotar, del divertiment a la divulgacion del fach occitan…

Los membres de Mirabèl son: Pol Aumedes Morell (votz, acordeon diatonic), Ermengol Marcos Forniol (violon, votz) e Joan Codina Vila (pifre, tamborin, votz).